NEWS

വേനല്‍ പാഠശാല സമാപിച്ചു. കുട്ടികള്‍ക്ക് വിനോദങ്ങളിലൂടെ വിജ്ഞാന സമ്പാദനം എന്ന ലക്ഷ്യവുമായി അടക്കാപുത്തൂര്‍ ശബരി പി.ടി.ബി. സ്മാരക ഹയര്‍ സെക്കണ്ടറി സ്ക്കൂളില്‍ നടത്തിയ ത്രിദിന വിനോദ വിജ്ഞാന വേനല്‍ പാഠശാല സമാപിച്ചു. ഏഴ് മുതല്‍ പത്താംതരം വരെ യുള്ള ക്ലാസുകളില്‍ പഠിക്കുന്ന കുട്ടികള്‍ക്കായി സംഘടിപ്പിച്ച വേനല്‍ പാഠശാലയുടെ സമാപനദിനത്തില്‍ ആണവ ഗവേഷണ മേഖലയിലെ വിവിധ സാധ്യതകളില്‍ മുംബൈ ഭാഭാ ആറ്റോമിക് റിസേര്‍ച്ച് സെന്ററിലെ മുന്‍ സയന്‍റിസ്റ്റ് ഡോ.ധന്യസുരേഷും ചിത്രകലാപരിശീലനകളരിയില്‍ പട്ടാമ്പി ഹൈസ്ക്കൂള്‍ ചിത്രകലാധ്യാകന്‍ പി.ഐ സണ്ണി മാസ്റ്ററും ക്ലാസെടുത്തു. സമാപന സമ്മേളനം വെള്ളിനേഴി ഗ്രാമപഞ്ചായത്ത് പ്രസിഡണ്ട് കെ ശ്രീധരന്‍ മാസ്റ്റര്‍ ഉദ്ഘാടനം ചെയ്തു. ശ്രീകൃഷ്ണപുരം ബ്ലോക്ക് പഞ്ചായത്ത് മെമ്പര്‍ കെ. ശാന്തകുമാരി അധ്യക്ഷത വഹിച്ചു. വി. ഗോപീകൃഷ്ണന്‍, കെ അജിത്, ഐ.ടി പ്രസാദ് എന്നിവര്‍ സംസാരിച്ചു. പങ്കെടുത്ത കുട്ടികള്‍ക്ക് സര്‍ട്ടിഫിക്കറ്റുകള്‍ വിതരണം ചെയ്തു.

Monday, July 21, 2014

ഈ വിദ്യാലയത്തിൽ പഠിച്ച് ഇവിടെത്തന്നെ ജോലി നേടി പ്രധാനാധ്യാപികയും പിന്നീടു പ്രിൻസിപ്പൽ ഇൻ  ചാർജ്ജായും

സേവനമനുഷ്ഠിച്ച്  വിരമിക്കുന്നതിനു ഒരുവർഷം മുന്നേ(06-07-2013 ശനിയാഴ്ച്ച) ഇവിടെ വച്ചുതന്നെ അകാലമരണത്തിനു കീഴടങ്ങിയ ശ്രീമതി എം. കമലാദേവി ടീച്ചർ ഈ വിദ്യാലയത്തിന്റെ ശക്തിയായിരുന്നു. ടീച്ചർക്കു ഞങ്ങളുടെ ഒരായിരം സ്നേഹപുഷ്പങ്ങൾ .....!!!
പ്രിയ പ്രധാനാധ്യാപിക ശ്രീമതി എം. കമലാദേവി ടീച്ചറുടെ പാവന സ്മരണക്ക്