NEWS

വേനല്‍ പാഠശാല സമാപിച്ചു. കുട്ടികള്‍ക്ക് വിനോദങ്ങളിലൂടെ വിജ്ഞാന സമ്പാദനം എന്ന ലക്ഷ്യവുമായി അടക്കാപുത്തൂര്‍ ശബരി പി.ടി.ബി. സ്മാരക ഹയര്‍ സെക്കണ്ടറി സ്ക്കൂളില്‍ നടത്തിയ ത്രിദിന വിനോദ വിജ്ഞാന വേനല്‍ പാഠശാല സമാപിച്ചു. ഏഴ് മുതല്‍ പത്താംതരം വരെ യുള്ള ക്ലാസുകളില്‍ പഠിക്കുന്ന കുട്ടികള്‍ക്കായി സംഘടിപ്പിച്ച വേനല്‍ പാഠശാലയുടെ സമാപനദിനത്തില്‍ ആണവ ഗവേഷണ മേഖലയിലെ വിവിധ സാധ്യതകളില്‍ മുംബൈ ഭാഭാ ആറ്റോമിക് റിസേര്‍ച്ച് സെന്ററിലെ മുന്‍ സയന്‍റിസ്റ്റ് ഡോ.ധന്യസുരേഷും ചിത്രകലാപരിശീലനകളരിയില്‍ പട്ടാമ്പി ഹൈസ്ക്കൂള്‍ ചിത്രകലാധ്യാകന്‍ പി.ഐ സണ്ണി മാസ്റ്ററും ക്ലാസെടുത്തു. സമാപന സമ്മേളനം വെള്ളിനേഴി ഗ്രാമപഞ്ചായത്ത് പ്രസിഡണ്ട് കെ ശ്രീധരന്‍ മാസ്റ്റര്‍ ഉദ്ഘാടനം ചെയ്തു. ശ്രീകൃഷ്ണപുരം ബ്ലോക്ക് പഞ്ചായത്ത് മെമ്പര്‍ കെ. ശാന്തകുമാരി അധ്യക്ഷത വഹിച്ചു. വി. ഗോപീകൃഷ്ണന്‍, കെ അജിത്, ഐ.ടി പ്രസാദ് എന്നിവര്‍ സംസാരിച്ചു. പങ്കെടുത്ത കുട്ടികള്‍ക്ക് സര്‍ട്ടിഫിക്കറ്റുകള്‍ വിതരണം ചെയ്തു.

Friday, August 22, 2014

അഭിനന്ദനങ്ങള്‍!!!
സ്ക്കൂള്‍ ലീഡര്‍ --- മുഹമ്മദ് സഫ് വാന്‍  X.B
‍ഡെപ്യൂട്ടി ലീഡര്‍ -----രജിഷ കെ.ആര്‍  ​X  B
ഇലക്ട്രോണിക് യന്ത്ര സഹായത്താല്‍ സ്ക്കൂള്‍ പാര്‍ലമെന്‍റ് തെരഞ്ഞെടുപ്പ് നടത്തി 
അടക്കാപുത്തൂര്‍ ശബരി പി.ടി.ബി.സ്മാരക ഹയര്‍സെക്കണ്ടറിസ്ക്കൂളില്‍  പാര്‍ലമെന്‍റ് തെരഞ്ഞെടുപ്പ് ചരിത്രത്തിലാദ്യമായി കമ്പ്യൂട്ടര്‍ ഇലക്ട്രോണിക് യന്ത്ര സഹായത്താല്‍ നടത്തി . വിദ്യാര്‍ത്ഥികള്‍ തന്നെപ്രിസൈഡിംഗ് ഓഫീസറായും പോളിംഗ് ഓഫീസര്‍മാരും സെക്യൂരിറ്റി ഓഫീസര്‍മാരും ആയി സേവനമനുഷ്ിച്ചു. ജനാധിപത്യത്തിലെ തെരഞ്ഞെടുപ്പു പ്രക്രിയകള്‍ അടുത്തറിയാനുള്ള അവസരമായി ഇതുമാറിയെന്ന് കുട്ടികള്‍ അഭിപ്രായപ്പെട്ടു. സ്ക്കൂള്‍ ലീഡറായി മുഹമ്മദ് സഫ് വാ
നേയും ‍ഡെപ്യുട്ടി ലീഡറായി കെ. ആര്‍ രജിഷയേയും തെരഞ്ഞെടുത്തു.. സാമൂഹ്യശാസ്ത്രക്ലബ്ബിന്‍റെ  നേതൃത്വത്തിലായിരുന്നു തെരഞ്ഞെടുപ്പ്. പ്രധാനാധ്യാപകന്‍ കെ.ആര്‍ വേണുഗോപാല്‍, എം. ആര്‍ മൃദുല, കെ.കെ വേണുഗോപാല്‍, ഐ.ടി. പ്രസാദ്, എം.ആര്‍ പ്രമോദ്, എം.പി അനില്‍കുമാര്‍ എന്നിവര്‍ നേതൃത്വം നല്‍കി.

Thursday, August 21, 2014

ആദരാഞ്ജലികള്‍!!!  
ഇനിയും കഥപറയും........
ജീവിതം മുഴുവന്‍ അറിവിനുപിറകെ നടന്ന അവധൂതന്‍, വാക്കുകളുടെ അളവും തൂക്കവും തിരിച്ചറിഞ്ഞ  ഭാഷാസ്നേഹി, പ്രകൃതിയുടെ ഗാനസൗന്ദര്യങ്ങളെ ആകണ്ഠമാസ്വദിച്ച പ്രകൃത്യുപാസകന്‍, ജീവിത മുഹൂര്‍ത്തങ്ങളെ തന്‍മയത്വത്തോടെ അവതരിപ്പിച്ച അനുഗൃഹീത നടന്‍....
വിനയേട്ടാ..., അങ്ങയുടെ പ്രതിഭയെ അനാവരണം ചെയ്യാന്‍ ഈ വാക്കുകള്‍ക്കാവുമോ?  തീര്‍ച്ചയായും ഈ ജീവിതകഥ പാടിപുകഴ്ത്താന്‍  അങ്ങു നട്ട വൃക്ഷങ്ങളുടെ സഹസ്രദളങ്ങള്‍ ധാരാളം!! അതായിരിക്കാം അങ്ങയേക്കുറിച്ചുള്ള അനശ്വരഗാനം!!!
 പ്രമുഖ നാടക-പരിസ്ഥിതി-സാമൂഹ്യപ്രവര്‍ത്തകനും പൂര്‍വ്വവിദ്യാര്‍ത്ഥിയുമായ ശ്രീ കെ.പി.എ.സി വിനയന്റെ നിര്യാണത്തില്‍ അനുശോചനം രേഖപ്പെടുത്തുന്നു.ആദരാഞ്ജലികള്‍!!

അഭിനന്ദനങ്ങള്‍....!!! ജേതാക്കള്‍ക്ക് !!!
ചെര്‍പ്പുളശേരി ഉപജില്ലാ അലിഫ് അറബിക് ക്വിസ് മത്സരത്തില്‍ പത്ത് എ ക്ലാസിലെ നുസൈബയും എട്ട് ബി ക്ലാസിലെ ഫാത്തിമാ ഫിദയും ഒന്നാം സ്ഥാനം കരസ്ഥമാക്കി. അക്ഷരമുറ്റം സ്ക്കൂള്‍തല ക്വിസ് മത്സരത്തില്‍ പത്ത് എ യിലെ രഹ് ന. പി, പത്ത് ഇ യിലെ ശ്രുതി സി. പി എന്നിവര്‍ വിജയികളായി. ഈ വര്‍ഷത്തെ യൂറീക്ക വിജ്ഞാനോത്സവത്തില്‍ രഹ്ന വി (പത്ത് എ), വര്‍ഷ സി(ഒമ്പത് ഇ) ജ്യോതിക പി.വി(പത്ത് ബി) അഭിജിത്ത് ഒ (പത്ത് സി), വിനീത് കെ, അക്ഷയ് എന്‍, അജേഷ് എന്‍(ഒമ്പത് ഇ)ഫര്‍ഹാന ഷെറിന്‍ ഒ.കെ , സൂരജ് കെ.എസ്(എട്ട് ഡി) എന്നിവര്‍ ജേതാക്കളായി

Tuesday, August 19, 2014

ലോകമാനവിക ദിനം ആചരിച്ചു. 



സ്കൂളിലെ ഇംഗ്ലീഷ് ക്ലബ്ബ് നേതൃത്വം നല്‍കി.'THE WORLD NEED MORE' എന്ന ലക്ഷ്യം ചര്‍ച്ചക്ക് വിഷയമാക്കി. മാനവികത വളര്‍ത്താനുള്ള പ്രവര്‍ത്തനങ്ങള്‍ക്ക് കരുത്തേകാന്‍ തീരുമാനിച്ചു.

Friday, August 15, 2014


സ്വാതന്ത്യദിനാഘോഷം

അടക്കാപുത്തൂര്‍ ശബരി പി.ടി.ബി.സ്മാരക ഹയര്‍ സെക്കണ്ടറി സ്ക്കൂളില്‍ സ്വാതന്ത്യദിനാഘോഷം നടത്തി. എന്‍.സി.സി, ജെ.ആര്‍.സി തുടങ്ങിയ യൂണിറ്റുകളിലെ കുട്ടികള്‍ അണിനിരന്ന അസംബ്ലിയില്‍ പ്രധാനാധ്യാപകന്‍ കെ.ആര്‍ വേണുഗോപാല്‍ പതാക ഉയര്‍ത്തി.
തുടര്‍ന്നു നടന്ന പൊതുയോഗത്തില്‍ പി.ടി.എ പ്രസി. ടി.ജയപ്രകാശ് അധ്യക്ഷത വഹിച്ചു. പ്രിന്‍സിപ്പല്‍ ടി.ഹരിദാസ്, .ടി പ്രസാദ്, കെ. അജിത്, അഖില്‍ സി. ആര്‍, എം. മൃദുല, വി.കെ ബീന

എന്നിവര്‍ സംസാരിച്ചു. സ്ക്കൂള്‍ ബ്ലോഗിന്റെ ഉദ്ഘാടനം, സ്വാതന്ത്യ ദിനപ്പതിപ്പിന്റെ പ്രകാശനം , ദേശഭക്തിഗാനാലാപനം എന്നിവയുമുണ്ടായി.

Thursday, August 14, 2014

 'നന്മ' യുടെ പ്രവര്‍ത്തനങ്ങള്‍ക്ക് അംഗീകാരം! 

നല്ല പാഠം സ്ക്കൂള്‍ യൂണിറ്റ് കണ്‍വീനര്‍ ശ്രീമതി എം. കോമളവല്ലി ടീച്ചര്‍ സംസാരിക്കുന്നു.
അടക്കാപുത്തൂര്‍ ശബരി പി.ടി.ബി.എസ്.എച്ച്.എസിലെ നല്ല പാഠം യൂണിറ്റായ 'നന്മ' യുടെ പ്രവര്‍ത്തനങ്ങള്‍ക്ക് അംഗീകാരം!  മലയാള മനോരമ പത്രം വിദ്യാലയത്തിനു നല്‍കിയ പ്രശംസാപത്രം സ്ക്കൂള്‍ അസംബ്ലിയില്‍ പ്രധാനാധ്യാപകന്‍ ശ്രീ കെ. ആര്‍ വേണുഗോപാല്‍ നല്ല പാഠം സ്ക്കൂള്‍ യൂണിറ്റ് കണ്‍വീനര്‍ ശ്രീമതി എം. കോമളവല്ലി ടീച്ചര്‍ക്ക് സമ്മാനിക്കുന്നു
. 'നന്മ' യുടെ പ്രവര്‍ത്തനങ്ങള്‍ക്ക് അംഗീകാരം!

Monday, August 11, 2014

നന്മ പ്രവര്‍ത്തനങ്ങള്‍ക്ക് ഒരുകൈത്താങ്ങ്

അടക്കാപുത്തൂര്‍ ശബരി പി.ടി.ബി.എസ്.എച്ച്.എസിലെ നല്ല പാഠം യൂണിറ്റായ 'നന്മ' യുടെ ആഭിമുഖ്യത്തില്‍ സാമ്പത്തികമായി വിഷമതകള്‍ അനുഭവിക്കുന്ന കുട്ടികള്‍ക്ക് സാമ്പത്തിക സഹായം വിതരണം ചെയ്തു. കെ.എം. സി.സി. ഷൊര്‍ണ്ണുര്‍ മണ്ഡലത്തിന്റെ ധനസഹായം
അര്‍ഹതപ്പെട്ട രണ്ടു വിദ്യാര്ത്ഥികള്‍ക്കു ചെര്‍പ്പളശേരീ പഞ്ചായത്ത് വാര്‍ഡ് മെംബര്‍ കെ.കെ. അസീസ് വിതരണം ചെയ്തത്. കെ.എം. സി.സി. ജില്ലാ സെക്രട്ടറി മുഹമ്മദ് അലി, ഷൊര്‍ണ്ണുര്‍ മണ്ഡലം സെക്രട്ടറി നജീബ് തയ്യാലുക്കല്‍ പ്രിന്‍സിപ്പല്‍ ടി. ഹരിദാസ് എന്നിവര്‍ സംസാരിച്ചു. പ്രധാനാധ്യാപകന്‍ കെ.ആര്‍ വണുഗോപാല്‍ സ്വാഗതവും നല്ലപാഠം കോ ഓര്‍ഡിനേറ്റര്‍ എം. കോമളവല്ലി നന്ദിയും പറഞ്ഞു.

Friday, August 8, 2014

പി.ടി.എ, അടക്കാപുത്തൂര്‍ ആട്ടോ-ടാക്സി
ഡ്രൈവേഴ്സ് യൂണിയന്‍ വാണിയംകുളം പി.കെ. ദാസ് ഇന്‍സ്റ്റിറ്റ്യൂൂട്ട് ഓഫ മെ‍ഡിക്കല്‍‍ സയന്‍സ് എന്നിവരുടെ ആഭിമുഖ്യത്തില്‍ 
നടത്തിയ മെ‍‍ഡിക്കല്‍ ക്യാമ്പ് വെള്ളിനേഴി പഞ്ചായത്ത് പ്രസി‍‍ഡണ്ട് ശ്രീമതി സി.ജി.ഗീത ഉദ്ഘാടനം ചെയ്യുന്നു.
                                                                                   കൂടുതല്‍ ചിത്രങ്ങള്‍ ആക്ടിവിറ്റി പേജില്‍

Tuesday, August 5, 2014

പ്രിയ വിദ്യാർത്ഥി കൃഷ്ണപ്രസാദിനു ആദരാഞ്ജലികൾ ..........
അനുശോചനയോഗത്തിൽ പ്രധാനാധ്യാപകൻ ശ്രീ കെ. ആർ വേണുഗോപാൽ , മാനേജർ ശ്രീ മുരളീധരൻ പി ടി എ  പ്രസി. ശ്രീ ടി ജയപ്രകാശ്  എന്നിവർ സംസാരിക്കുന്നു .


Monday, August 4, 2014






അകാലത്തില്‍ നമ്മെ വിട്ടുപോയ ഒമ്പതാതരത്തിലെ
പ്രിയ വിദ്യാര്‍ത്ഥി
കൃഷ്ണപ്രസാദിനു ദുഖത്തോടെ വിട.........
2013-14 അധ്യയന വര്‍ഷത്തെ അഭിമാന താരങ്ങള്‍