യുഗപ്രഭാവരുടെ ജൻമദിനത്തിൽ

ഐ.എസ്.എം സന്ദര്‍‍ശനവും

അധ്യാപകർക്ക്

ആദരവും

അടക്കാപുത്തൂർ ശബരി പി. ടി. ബി. എസ്. എച്ച്. എസിലെ നല്ലപാഠം യൂണിറ്റിൻറെ ആഭിമുഖ്യത്തിൽ മുൻ രാഷ്ട്രപതി എ. പി. ജെ അബ്ദുൽ കലാം, മലബാർ ഡിസ്ട്രിക്ട് ബോർഡ് ചെയർമാനും സ്കൂൾസ്ഥാപകരിൽ പ്രധാനിയുമായിരുന്ന പി. ടി. ഭാസ്കരപ്പണിക്കർ എന്നിവരുടെ ജന്മദിനമായ ഒക്ടോബർ 5 നു നല്ല പാഠം യൂണിറ്റിലെ അംഗങ്ങൾ തങ്ങൾക്ക് അറിവിൻറെ വെള്ളിവെള്ളിവെളിച്ചം നൽകി കൊണ്ട് മുപ്പതു വർഷത്തിലധികമായി അധ്യാപനം നടത്തി വരുന്ന പ്രിയ അധ്യാപകരായ പ്രധാനാധ്യാപകൻ കെ ആർ വേണുഗോപാൽ മാസ്റ്റർക്കും എം കോമളവല്ലി ടീച്ചർക്കും ആദരപത്രം നൽകി. ഐ.എസ്.എം. സന്ദര്‍‍‍ശനത്തിന്റെ ഭാഗമായി വിദ്യാലയത്തില്‍ ബഹു:മണ്ണാര്‍ക്കാട് ഡി.. ഒ ഇന്ദിര, ഡയറ്റ് ഫാക്കൽറ്റി മുനീർ മാസ്റ്റർ, അജിത് , നല്ല പാഠം ഭാരവാഹികളായ അഭിലാഷ്, ആതിരാഷാജി എന്നിവർ സംസാരിച്ചു.

നദീദിനം ആചരിച്ചു.

അടക്കാപുത്തൂർ ശബരി പി. ടി. ബി സ്മാരക ഹയർ സെക്കണ്ടറി സ്കൂളിലെ സീഡ് ക്ലബ്ബിന്റെയും ശതാവരിദേശീയഹരിതസേനയുടേയും ആഭിമുഖ്യത്തിൽ നദീദിനമായ ഒക്ടോബർ 3 നു വിദ്യാർത്ഥികൾ കുറ്റാനശേരി മുറിയങ്കണ്ണികരിമ്പുഴയോരത്തെത്തിനദീസംരക്ഷണപ്രതിജ്ഞയെടുത്തു. പ്രധാനാധ്യാപകൻ കെ. ആർ. വേണുഗോപാൽ ഉദ്ഘാടനം ചെയ്തു. സീഡ് യൂണിറ്റ് പ്രസിഡണ്ട് പി. സുഫൈറ പ്രതിജ്ഞ ചൊല്ലിക്കൊടൂത്തു.  

നദികൾ നമ്മുടെ ജീവനാഡികളാണെന്നും കാടുകളും മലകളും കാട്ടാറുകളും നശിച്ചു പോയാൽ ഭൂമിയിൽജീവിൻതുടിപ്പുംനാമാവശേഷമാകു

മെന്നും കുട്ടികൾ മുന്നറിയിപ്പ് നൽകി. സീഡ് കോ ഓർഡിനേറ്റർ കെ. അജിത്, എം. കോമളവല്ലി, എം. പി. അനിൽ കുമാർ, പ്രീത, ഷീബ, ദീപ്തി, എന്നിവർ നേതൃത്വം നൽകി.

ശുചിത്വ സേവന പ്രതിജ്ഞയെടുത്തു

ഗാന്ധിജയന്തിദിനത്തോടനുബന്ധിച്ച് അടക്കാപുത്തൂർ ശബരി പി. ടി.ബി.സ്മാരകഹയർസെക്കൻഡറി സ്കൂളിൽ പരിസ്ഥിതി ക്ലബ്ബ് ശതാവരി ദേശീയ ഹരിത സേനയുടെ ആഭിമുഖ്യത്തിൽ ശുചീകരണവുംശുചിത്വ സേവന പ്രതിജ്ഞയുമെടുത്തു. പ്രധാനാധ്യപകൻ കെ. ആർ. വേണുഗോപാൽ ഗാന്ധി സ്മൃതി നടത്തി. ഹരിതസേന പ്രസിഡണ്ട് സൂരജ്, ഹരിതസേന കൺവീനർ കെ. അജിത്, ടി. വിഷ്ണുപ്രസാദ് എന്നിവർ സംസാരിച്ചു.